بەلكىم ئالما شىركىتىنىڭ مەھسۇلاتلىرىنى بىلمەيدىغان، ئالما مەھسۇلاتلىرىغا قىزىقمايدىغان تورداشلىرىمىز بولمىسا كىرەك. ئالما مەھسۇلاتلىرىنىڭ كۆپىيىشىگە ئەگىشىپ بازارلارنى ئالما مەھسۇلاتلىرىنىڭ يالغان، سۈپەتسىز مەھسۇلاتلىرى قاپلاپ كەتتى. ھەتتا توردىن ئالما مەھسۇلاتلىرىنى سېتىۋېلىشقىمۇ جۇرئەت قىلالمايدىغان بولۇپ قالدۇق. ئۇنداق بولسا مەن بۈگۈن تورداشلارغا ‹iphone4› يانغۇنى تىڭشىغۇچىنىڭ راس يالغانلىقىغا ھۆكۈم قىلىش توغۇرلۇق ئازراق يول كۆرسىتىپ ئۆتەي...

ھۆكۈم قىلىش ئۇسۇلى

بىرىنجى: تىڭشىغۇچنىڭ باش قىسمى
بىرىنجى ھۆكۈمنى تىڭشىغۇچنىڭ باش قىسمىدىن باشلايدى.(ئۇستىدىكىسى ساختا سۈپەتسىز تىڭشىغۇچ، ئاستىدىكىسى ھەقىقىي، سۈپەتلىك تىڭشىغۇچ) تۆۋەندىكى رەسىمگە قارايدىغان بولساق ئانچە چوڭ پەرىقمۇ يوق. ئاساسلىق پەرقى جۇڭگۇنىڭ خەتنى بىرتەرەپ قىلغان ئورنى بىلەن ئالما شىركىتىنىڭ ئورنىدا ئازراق پەرىق بار.

ئىككىنجى: تىڭشىغۇچنىڭ تىڭشاش قىسمى
بۇنىڭدىمۇ ئاساسىي جەھەتتىن چوڭ پەرىق يوق (ئۇستىدىكىسى ساختا سۈپەتسىز تىڭشىغۇچ، ئاستىدىكىسى ھەقىقىي، سۈپەتلىك تىڭشىغۇچ) يەنىلا تىڭشىغۇچ ئۈستىدىكى L ۋە R ھەرىپلىرىدا ئازراق پەرىق بار. جۇڭگۇدا ئىشلىگەن سۈپەتسىز تىڭشىغۇچنىڭ خەت شەكلى ئازراق چوڭ ۋە ئازراق سېمىز، ھەقىقىي سۈپەتلىك تىڭشىغۇچنىڭ خەت شەكلى ئازراق يۇمىلاق، سۇسراق ھەم ئازراق ئورۇق.

ئۈچىنجى: مىكرافۇننىڭ كەينى قاپقىقىنى ئېچىش
ئاچقاندىن كىيىن كەينى قاپقاپتا تۆمۈر ياپراقچىنىڭ بارلىقىنى كۆرەلەيسىز. ئۇنىڭ ئۈستىگە تۆمۈر ياپراقچە ئۈستىدە كىچىك يېزىلغان تەرتىپ نومۇرى بار. ھازىرقى جۇڭگۇدا ئىشلەنگەن سۈپەتسىز تىڭشىغۇچنىڭ ئارقىسىدا ئۇنداق تۆمۈر ياپراقچە يوق، ئىنتايىن ئوخشىتىپ ياسالغانلىرىدا بار بولسىمۇ لىكىن تۆمۈر ياپرەقچە ئۈستىدە تىڭشىغۇچ تەرتىپ نومۇرى يوق. ( بۇنىڭغا خېلى تېخنىكا كېتىدۇ، ھېچكىم تىڭشىغۇچ ئالسا ئارقا مىكرافۇننىڭ قاپقاپنى ئېچىپ بېقىپ ئالمايدىغۇ دەيمەن...ھىڭ ھىڭ ھىڭ شۇڭا جۇڭگۇدا ئىشلەنگەنلىرى ئۇنىڭغا ئىتىبار بېرىپ كەتمەيدۇ)

تۆتىنجى: ئەمدى كونۇپكىسىغا قاراپ باقايلى
ئاستىدىكىسى بولسا ساختا سۈپەتسىز تىڭشىغۇچ، كۆرۈۋېلىشقا بولىدۇكى ئىنتايىن قوپال ياسالغان. كونۇپكىنى ئادەتتىكى تۇتۇپ تۇرغۇچ بىلەن ئورناتقان. ئاۋازنىڭ يۇقىرى تۆۋەنلىكىنى تەڭشەش ئىقتىدارى بار. ئۇستىدىكىسى بولسا سۈپەتلىك ھەقىقىي تىڭشىغۇچ بولۇپ، ياسىلىشى ئىنتايىن نەپىس، كونۇپكىسى ئىنتايىن چىرايلىق. تۆت ئەتراپىنى توك يولىغا مۇقۇملاشتۇرۋەتكەن. بۇ پەرىقنى ئوخشۇتۇپ ياسالغانلىرىدا ئىشقا ئاشۇرغىلى بولمايدۇ.

تەۋسىيە

ھازىر تاۋباۋ قاتارلىق تور دۇكانلىرىدا ئەزران باھادا سېتىلىۋاتقان تىڭشىغۇچنىڭ ھەممىسى دىگۈدەك ساختا، سۈپەتسىز مەھسۇلاتلار. ئالدىنىپ قېلىشتىن ساقلىنىش ئۈچۈن ئالما مەھسۇلاتلىرىنى ئالمىنىڭ مەخسۇس سېتىش دۇكانلىرىغا بېرىپ سېتىۋېلىشىڭىزنى تەۋسىيە قىلىمىز.

تۆۋەندىكى يازمىلارمۇ ناھايىتى قالتىس يازمىلار:
نىمە ئۈچۈن iphone نىڭ ئېلانلىرىدا كۆرۈلدىغان ۋاقىت دائىم 9:41 بولىدۇ؟ بۇنىڭ بىرەر سىرى بارمۇ قانداق؟	Game Booster 3.4 ئەڭ ياخشى بولغان ئويۇن مۇھىتى ھازىرلاش دىتالى	پارتىلىغۇچ بومبا شەكىللىك بارماق دېسكا ! ئەمدى بارماق دېسكىڭىزنى ئوغۇرلاشقا ھېچكىم جۈرئەت قىلالمايدۇ	ئەگەر بىر ئادەم ياش ۋاقتىدا تۇيۇقسىز بىر نەچچە كۈن كور بولۇپ قالسا ناھايىتى ياخشى ئىش بولاتتى	QQ2012 Beta1 سىناق نۇسخىسىنى چۈشۈرۈپ ئىشلىتىپ كۆرۈپ باقمامسىز؟ قانداق يېڭىلىق باردۇ؟
无觅

ئانىلار دۇنيانىڭ زىننىتى، كەلگۈسى دۇنيانىڭ ئىگىلىرى، ئەۋلادلار ئەقىللىق، كۆيۈمچان، مېھرىبان ئانىلارنىڭ ياخشى تەربىيىسى ئاستىدا ئۆسۈپ يېتىلىدۇ. ئانىلارنىڭ ساپاسى، ئانىلارنىڭ ئىچكى دۇنياسى پۈتۈن دۇنيانىڭ كەلگۈسىگە تەسىر كۆرسىتىدۇ. ئىنسانىيەت دۇنياسى نۇرغۇنلىغان تارىخى جەريانلارنى باشتىن كەچۈرۈپ بۈگۈنكىدەك پەن تېخنىكا دۇنياسىغا قەدەم قويدى. بۇ جەريان دەل ئىنسانلارنىڭ مۇكەممەللىككە ئىنتىلىش جەريانىدۇر. يەنى ماددىۋىي يۈكسەكلىك بىلەن مەنىۋى يۈكسەكلىكنى تەڭ قوغلىشىۋاتقان بىر جەريان. لېكىن بىز شۇنى بايقىدۇقكى مەنىۋى يۈكسەكلىك ماددىۋىي يۈكسەكلىكنى بېسىپ چۈشكەن جەمئىيەت ناھايىتىمۇ گۈزەل بولغان، مېھرى مۇھەببەتكە تولغان بىر جەمئىيەت. ئەكسىچە بولغىنى كىشىنى يىرگەندۈرىدىغان جەمئىيەت. ئانىلار كەلگۈسى ئەۋلادلارنىڭ بىرىنچى ئوقۇتقۇچىسى، ئۇ ئۆزىنىڭ مېھرى مۇھەببىتى، سۆز ھەرىكىتى ئارقىلىق بىز ئەۋلادلارنى تەربىيىلەپ، بىز كېيىنكى ئەۋلادلارنىڭ مەنىۋى تەشنالىقىمىزنى قاندۇردى. شۇنىڭ ئۈچۈن بۇ مەنىۋى يۈكسەكلىكنىڭ تارقاتقۇچىسى دەل ئانىلاردۇر.

 دۇنيادىكى ھېچقانداق بىر كۈچنى ئانا مېھرى بىلەن سېلىشتۇرغىلى بولماس، ئانىلار ئىنسانلار جەمئىيىتىنىڭ قۇياشى، ئۇ شەخسىيەتسىز دۇنيانى يورۇتقۇچى چىراغدۇر. ئۇ قۇياشتەك ئىسسىق ھارارىتى، چىراغدەك نۇرى ئارقىلىق بىزنى، ياق جۈملىدىن پۈتۈن دۇنيانى پەرۋىش قىلىۋاتىدۇ. ئەگەردە قانۇننى بۇ دۇنيانى مەلۇم تەرتىپ بىلەن تۇرغۇزغۇچى تۈۋرۈك دەپ ھېسابلانسا، ئەخلاق دەل شۇ دەرەخنىڭ بارلىق ھۈجەيرىلىرىنى تۇتاشتۇرغۇچى زەمزەم سۈيىدۇر. ئانا دەل شۇ زەمزەم بۇلىقىدۇر.

ئۇ ئۆزىنىڭ بەختىنى بىر ئائىلىنىڭ خۇشاللىقى ئۈچۈن ئاتىۋەتكەن ئىنساندۇر. ئۇ ئۆز ھاياتىدىكى بارلىق ياخشى نەرسىلەرنى بالىلارنىڭ بىر تەبەسسۇم ئۇلاشقان كۈلكىسىگە تېگىشىۋەتكەن ئىنساندۇر. ئۇ ئىنسانىيەت ئەخلاق بۇلىقىنىڭ تۈگىمەس بولىقىدۇر. ئۇ ۋەتەن، مىللەت روھىنىڭ يىقىلماس تۈۋرۈكىدۇر. بۇنداق بىر جاپاكەش ئىنسانغا ھەر ۋاقىت رەھمىتىنى بىلدۈرۈش ھەر بىر ئەقىل ئىگىسىنىڭ باش تارتمايدىغان بۇرچى. شۇنىڭ ئۈچۈن بىز ئەۋلادلار ئانىلارنىڭ بىز ئۈچۈن قىلغان شۇ قۇربانلىقلىرىنى ئۇنتۇلۇپ قالمايلى! شۇ ياشىنىپ مۈكچىيىپ قالغان، تارتقان جاپالىرىنىڭ گۇۋاھچىسى بولغان پېشانىسىدىكى قورۇقلارنى ھەر ۋاقىت ئەسلىرىمىزدىن چىقارمايلى! ھەر ۋاقىت ئانىلارنىڭ قولىغا-قول، پۇتىغا پۇت بولۇپ، يېرىقىنى يېقىنلاشتۇرۇپ، ئەخلاق-پەزىلەت، ھۈنەر سەنئەتلەردە مۇۋەپپەقىيەتلەرنى قازىنىپ ئانىلارنىڭ تارتقان جاپاسىنى يەردە قويمايلى!

بۈگۈن دەل شۇ مېھنەتسىز جاپاكەشنىڭ بايرىمى. بۇ پۇرسەتتىن پايدىلىنىپ ئۇنىڭ بىزگە بەرگەن سۈت ھەققىگە رەھمىتىمىزنى بىلدۈرەيلى! ئانا، جاپا چەكتىڭىز...!

بۇ ماقالىنى كۆرگەن قىز يىگىتلىرىمىزنىڭ ئانىلىرىمىزغا رەھمەت ئېيتىش بىلەن بىرگە، يىگىتلىرىمىزنىڭ كەلگۈسىنىڭ مەنىۋى بۇلىقى بولغان قىزلىرىمىزنى قەدىرلىشىنى، ھۆرمەتلىشىنى؛ قىزلىرىمىزنىڭ ئۆز مەسئۇلىيىتىنى تولۇق چۈشىنىپ يىتىپ، ئىسمى جىسمىغا لايىق كەلگۈسىنىڭ مەنىۋى بولىقى، ئەخلاق تۈۋرۈكى، مىللىتىمىز كەلگۈسىنىڭ لاياقەتلىك بىرىنچى ئوقۇتقۇچىلىرىدىن بولۇشىنى چىن كۆڭلۈمدىن ئۈمىد قىلىمەن.

ئەڭ ئاخىرىدا تور بېتىمىز بارلىق دوستلارنىڭ ئانىلىرىنىڭ، شۇنداقلا پۈتۈن دۇنيادىكى بۇ جاپاكەشلەرنىڭ بايرىمىنى تەبرىكلەيدۇ ھەمدە تۆۋەندىكى ناخشىنى بارلىق مىھرىبان ئانىلارغا سوۋغا قىلىدۇ

يازما مەنزىلى

ئىلقۇت بىلوگى

تۆۋەندىكى يازمىلارمۇ ناھايىتى قالتىس يازمىلار:
‹‹ئۆسۈملۈك-جەسەت ئۇرشى››-جىلىن كارتۇن فاكۇلتىتى ئىشلىگەن قىسقا فىلىم! بىر كۆرۈشكە ئەرزىيدۇ	تاتلىق تورى ئۇيغۇرچە ئىزدەش ماتورى سىناق نۇسخىسى ئېلان قىلىندى	HTC ئەقلىي ئىقتىدارلىق يانغۇندىن يوچۇق بايقالدى،سىمسىز تور مەخپى شىفىرىڭىز ئاشكارلىنىپ قېلىشى مۇمكىن	ئالما يانفۇنى ‹ iphone 4 › تىڭشىغۇچىنىڭ راس يالغانلىقىغا ھۆكۈم قىلىش تەدبىرى	AIMP 3.10 Beta2 Build 1034 : نەپىس كۆرۈنمە يۈز ۋە كۈچلۈك ئىقتىدارلىق مۇزىكا قويغۇچ
无觅

بەلكىم ‹‹ ئۆسۈملۈك - جەسەت ئۇرشى ›› دىگەن ئويۇننى بىلمەيدىغان ھەم ئويناپ باقمىغان تورداشلار بولمىسا كىرەك. تۆۋەندىكىسى بولسا جىلىن كارتۇن فاكۇلتىتى ئىشلىگەن ئۆسۈملۈكلەر بىلەن جەسەتلەر ئوتتۇرسىدىكى بىر مەيدان قانلىق جەڭ تەسۋىرلەنگەن قىسقا فىلىم. ھەممەيلەن بىرلىكتە ھوزۇر ئېلىپ باقايلى!

Game Booster بولسا كىچىك تېخنىكا ئارقىلىق ياسالغان ئەمما ئىقتىدارى ئىنتايىن كۈچلۈك بولغان ئويۇن مۇھىتى ھازىرلاش دىتالى بولۇپ، سىزنىڭ كومپىيۇتېرىڭىزغا ئەڭ ياخشى ئويۇن مۇھىتى ھازىرلاپ بېرەلەيدۇ. ئۇ ئويۇن ئوينىغان ۋاقتىڭىزدا سىزنىڭ ئارقا سۇپىدا ئىجرا بولۇۋاتقان سېستىمىلارنى ۋاقتىنچە توختۇتۇپ، ئىچكى ساقلىغۇچنى رەتلەپ سىزگە ئەڭ ياخشى ئويۇن مۇھىتى ھازىرلاپ بېرەلەيدۇ.

ئىشلىتىش ئۇسۇلى

مەزكۇر دىتالنى ئىشلىتىش ئىنتايىن ئاددىي بولۇپ سىز پەقەت دىتالنى چۈشۈرۈپ پىرىسىتتىن يەشكەندىن كىيىن GameBoosterPortable نى ئىجرا قىلىپ "单击加速" كونۇپكىسىنى بېسىپ قويسىڭىزلا ئويۇن ئىجرا بولۇشقا كىرەكلىك بولمىغان سېتىمىلارنى ۋاقتىنچە توختۇتۇپ سىزگە ئەڭ ياخشى ئويۇن مۇھىتى ھازىرلاپ بېرىدۇ. ئارتۇق گەپنى قويۇپ قالغىنىنى تورداشلار ئىشلىتىپ بېقىپ باھا بېرىپ بېقىڭلار!

چۈشۈرۈش مەنزىلى

ئەسسالامۇ ئەلەيكۇم تاتلىق تور كۇلۇبىدىكى بارلىق تورداشلار ئالدى بىلەن ھەممىڭلارنىڭ 5- ئاينىڭ 5- كۈنىدىكى دوپپا بايرىمىڭلارنى قىزغىن تەبرىكلەيمەن. دوپپا-ئۇيغۇرلارنىڭ ئستىتىك قارىشىدا ئەكىس ئەتكەن تەبىئەت گۈزەللىكىنىڭ ئوبرازى. ئۇيغۇرلار بوستانلىق مەدەنىيتىگە قەدەم قويۇپ،شەھەرلىششكە يۈزلەنگەندىن تارتىپلا ماددى ۋە مەدەنىۋى تۇرمۇشىڭ سۈپەتلىك بولۇشىغا كۆپ تىرىشقان .جۇملىدىن كىيىم-كىچەك مەدەنىيتىدە تاشقى كۆرۈنۈشكە ،يارىشىمچانلىققا ئەھمىيەت بەرگەن.

ھەرخىل مىللەتلەر،ھەرخىل كەسىپ ،ھەر خىل ئىھتىياج تۈپەيلىدىن ئوخشىمىغان باش كىيىمىنى كىيىشىدۇ.ھەرقانداق باش كىيىمى ئىجتىمائى ئالاقىدە ئەڭ تىز ۋە بىۋاستە كۆزگە تاشلىنىدىغان ئالاھىدىلىككە ئىگە.بۇگۇنكى دۇنيادا باش كىيىمى –بەزىدە كەسىپكە ۋەكىللىك قىلسا ،بەزىدە ئىجتىمائى ئورۇنغا ۋەكىللىك قىلىدۇ.لىكىن ئۆزگىچە مىللى مەنىگە ۋە ئەنئەنىگە ۋەكىللىك قىلالايدىغان،ھەرقانداق ياشتىكى كىشىنىڭ كىيىشگە ماس كىلىدىغان،ئوبرازلىق سەنئەت تۇيغۇسى بىرەلەيدىغان،تەبىئەت بىلەن زىچ باغلانغان ئستىتىك زوق بىرەلەيدىغان باش كىيىمى بۈگۈنكى مەدەنىيەت ئالىمىدە كۆپ بولمىسا كىرەك.

بادام ، چىمەن قاتارلىق دوپپىلار-ئەمگەكچان،تەبىئەت ۋە گۇزەللىكنى قىزغىن سۆيىدىغان ئۇيغۇر خەلقىنىڭ ئىجادىيتى . كەڭرى كەتكەن ياۋرو-ئاسىيا يايلىقىدا ياشاپ كەلگەن بارچە تۈركى خەلقلەر ،شۇنداقلا ئۇلارنىڭ خوشنىسى بولغان تاجىكلار،ئىسرائىلىيە يەھۇدىيلىرى ھەممىسى مەلۇم ئوخشاشلىققا ئىگە بولغان باش كىيمى كىيدۇ. مۇتەخەسسلەر ،تارىخشۇناسلار تارىم بوستانلىقىدا كىيىپ كەلگەن بادام ۋە چىمەن،چىكەن دوپپىلىرىنىڭ ئۇيغۇر خەلقىنىڭ قول-ھۈنەر سەنئىتىنڭ نەتىجىسى ئىكەنلىكىنى مۇئەييەنلەشتۇرۇپ كەلدى. ئۇيغۇر دوپپىسىغا ئىگە بولۇش، بوۋا-مومىلىرىمىزدىن قالغان بۇ ئسل مەدەنىيەتنى داۋام ئەتتۈرۈش ،بۇلارنى تۇرمۇشىمىزدا گەۋدىلەندۇرۈش –بىز ئىز ئىزلىگۈچىلەرنىڭ زۆرۈر ئشى.

ئۇيغۇر دوپپىسى-ئۇيغۇرلارنىڭ مەدەنىيەت كىملىكىدۇر

ئۇ كۆركەملىكى ، ئەپلىكلىكى ، مىللى جەلىبكارلىقى بىلەن ئۇيغۇرلارنىڭلا ئەمەس ، بەلكى مەملىكىتمىزدە ياشاۋاتقان قىرىنداش مىللەتلەردىن خەنزۇلارنىڭ ۋە باشقا ئاز سانلىق مىللەتلەرنىڭ شۇنداقلا ھەرساھە چەتئەللىك دوستلارنىڭ ياقتۇرۇشىغا ئىرىشىپ كەلمەكتە. دوپپا كەيگەنلەر – كەيمىگەنلەرنى ھەۋەستە قالدۇرۇپ كەلمەكتە.

دوپپا –ئۇيغۇرلارنىڭ ھەم مىللى ھەم دىنى باش كىيىمى بولۇش سۇپىتدە ئەنئەنىگە ۋەكىللىك قىلىش بىلەن بىرگە كىشگە ئىللىق كەيپىيات،يىقىملىق تۇيغۇ بەخش ئىتىدۇ.ئۇ ئۇيغۇر خەلقىنىڭ كىيىنىش ئستىتىك ئىڭنى ئەكىس ئەتتۇرىدۇ.قەدىمكى دەۋىرلەردىن ئىزچىل كىيىلىپ كەلگەن بۇ باش كىيىم ئەلۋەتتە نۆۋەتتىمۇ كىيىشكە ماس كىلىدۇ. ئۇ زامانىۋى ھەم كىلاسسسىك مەدەنىيەتكە ئورتاق ۋەكىللىك قىلالايدۇ.
دوپپا مۇئەييەن چەكلىك سورۇنلاردىلا ئەمەس،باشقا كۇندىلىك تۇرمۇش بىلەن باغلانغان ھەرقانداق مەدەنى، ئاممىۋى ۋە ئىجتىمائى سورۇنلاردا كىيىشكە ماس كىلىدۇ.

دوپپا –قانداقتۇر بىر سىنىپ ياكى بىردەرىجىگە ئەمەس ،بەلكى ئورتاقلىق ۋە باراۋەرلىككە،خۇراپاتلىققا ئەمەس،مەدەنىيلىككە ،ئارقىدا قىلىشقا ئەمەس –مەزمۇت قەدەم تاشلاشقا ،يىتىم قىلىشقا ئەمەس بىرلىككە ،ئەۋلاتلارغا ئەنئەنە ئۇزۇلۇپ قىلىشى ئەمەس داۋاملىششقا،ۋارسلىق قىلىشقا ۋەكىللىك قىلىدۇ.

دوپپا مەدەنىيتى ھەققىدە

ناخشا ئۇسۇلغا ماھىرلىقى بىلەن داڭلىق بولغان ئۇيغۇر مىللىتى ئۇزۇن تارىخىقا ۋە پارلاق مەدەنىيەتكە ئىگە. ئۇلارنىڭ تۇرمۇشىنىڭ ھەممە يىرىدە قول ھۈنەرۋەنچىلىك بۇيۇملىرىنى ئۇچراتقىلى بولىدۇ. دوپپا بۇلارنىڭ ئىچىدىكى تىپىك قول ھۈنەرۋەنچىلىك بۇيۇمىدىن ئىبارەت. تەڭرىتاغنىڭ جەنۇبىدا ياكى شىمالىدا بولسۇن، ئەر- ئايال ، قىرى - ياش بولسۇن، مەيلى قىش ياكى باھار - ياز بولسۇن ، ئۇيغۇر خەلق ئاممىسى دوپپا كىيىشكە ئادەتلەنگەن. ئۇ تۇرمۇشتا كەم بولسا بولمايدىغان تۇرمۇش بۇيۇمى بولۇپ قالماستىن بەلكى بىر خىل كۈچلۈك مىللى تۈسكە ئىگە قول ھۈنەرۋەنچىلىك بۇيۇمى.

دوپپا- ئۇيغۇرلارنىڭ گۈلتاجىسى بولۇش سۈپىتى بىلەن ئۇيغۇر كىيىم- كىچەك مەدەنىيىتىدە ئەزەلدىن مۇھىم تۇرۇندا تۇرۇپ كەلگەن. ھەر قىتىم ھېيىت ئايەم، توي - تۆكۈنلەردە ، كۆڭۈل ئىچىش سورۇنلىرىدا بولسۇن ۋە ياكى ئۇرۇق تۇققانلار ئۇچرىشىشى بولسۇن كىشىلەرنىڭ ھەممىسى بۇ خىل نەپىس ئىشلەنگەن دوپپىنى كىيىپ ياسىنىدۇ. ئالاقە سورۇنلىرى، يىغىلىش ھەتتا دوپپا كۆرگەزمىسىدە ھەر خىل دوپپىلار كۆزنى قاماشتۇرىدۇ. كىشىلەر نەپىس دوپپىلاردىن مىھرىنى ئۈزەلمەي قالىدۇ. دوپپا يەنە كىشىلەر سوۋغا سۈپىتىدە باشقىلارغا سوۋغات قىلىنىدۇ، نەپىس سەنئەت بويۇمى سۈپىتىدە تىزىپ قويۇلىدۇ. ئۇنى شىنجاڭدىكى ھەر مىللەت خەلق ئاممىسى ياقتۇرۇپ قالماستىن يەنە دۆلەت ئىچى ۋە سىرتىدا ئالقىشقا ئىرىشمەكتە.
بۇ بىر قىسىم مۈنەۋۋەر قول ھۈنەرۋەنچىلىك سەنئەت مىراسىنى يىغىش، رەتلەش، تەتقىق قىلىش، تونۇشتۇرۇش، مىللى سەنئىتى ئەنئەنىسىگە ۋارىسلىق قىلىش، يىڭىلاش، ۋەتىنىمىز مىللەتلىرىنىڭ مەدىنىيەت سەنئەتنى ئالماشتۇرۇشنى كۈچەيتىشتە بەلگىلىك تۈرتكىلىك رولنى ئوينايدۇ.

تىكىلىشى :بۇ دوپپىلارنىڭ ھەممىسى تۇت تالا ئۇچ بولۇڭ شەكىللىك خىرىت بىلەن جۇپلەپ تىكىلىدۇ ،ئۇستىگە تەكشى كەشتىلەش ،تۇگۇپ زەر يىزىپ بىلەن يۇگەپ كەشتىلەش،كىرسىت شەكىللىك كەشتىلەش ئۇنچە مارجانلارنى تىزىپ تىۋېتلەپ كەشتىلەش ،كاتەكچى توسما توسما كەشتىلەش ،گىرەلەشتۇرۇپ كەشتىلەش قاتارلىق ئۇسۇللار بىلەن ھەرخىل سىزىقلار ،قاپارتما كەشتە نەقىشلىرى ئارقىلق ئەڭ ئاخىردا قارا مەشۇت يىپ بىلەن گۇللەرنى بويلىتىپ كەشتىلەپ پوتكۇزۇلۇپ چىقىلىدۇ.

ئۇيغۇرلار ئارىسىدىكى دوپپا نۇسخىسى تۈرلىرىنىڭ كۆپ، شەكلى خىلمۇ- خىل. يىڭنە ئىشلىتىش ئۇسۇلىنىڭ ئالاھىدىلىكىگە ئاساسەن: تەشمە تىكىش ئۇسۇلى، ئىلماپ تىكىش ئۇسۇلى، مارجان قىستۇرۇش ئۇسۇلى، گىئومىتىرىك تىكىش ئۇسۇلى، زەر يىپتا تىكىش ئۇسۇلى، + شەكىللىك تىكىش ئۇسۇلى .. قاتارلىقلار. تىكىش ئۇسۇلى: رەخت تاللاش، نۇسخا تاللاش، يىپ تاللاش، تىكىش، ئەستەرلەپ سىزىق- سىزىق ئارلىقىدىن پىلتىكۈچ بىلەن قەغەزدە پىلتە بېرىش، قوندۇرۇش، قېلىپقا سېلىش، ئىچىگە ناۋات سۈيى پۈركۈپ يات بېرىش. دوپپىنىڭ ماتىريالى ھەرخىل رەڭدىكى دۇخاۋا، مەخمەل، تاۋار- دۇردۇن، ئەستەر ئۈچۈن شايى ئەتلەس ياكى ئاددىي يىپ رەخت، مەشۇت يىپ، ( يىگىرمە تۆتتىن ئوتتۇز ئىككى خىلغىچە)، ئاق خەسە، قەغەز، شىلىم، ناۋات، جىيەك، قېلىپ، پىلتىكۈچ، گۈل نۇسخا تامغىسى( ئويما) قاتارلىقلار.

كۆپ قىسىم دوپپىلار قول ھۈنەرۋەنچىلىكنىڭ ئايرىمىسى بويىچە تۆت نوختا ئاساس قىلىنىدۇ. ئۆز ئارا جىپسىلاشتۇرۇش، يۈرۈشلۈك شەكىل، ئەڭ ئاخىرىسى قارا جىيەك تۇتۇش، ھەمدە قاتلاشقا ماسلاشقان بولۇپ، ئىلىپ يۈرۈشكە ئەپلىك، بەش گۈل بەرگىسى(بەش بۇرجەكلىك) شەكىللىك دوپپىلارنى ئاز ساندا ئۇچراتقىلى بولىدۇ. ئەمما سانى بەك ئاز. دوپپا نۇسخىسىنىڭ جىيەك شەكلى كۆپ خىل ، نۇسخىلىرى ئۈزگىچە بولۇپ ئادەتتە تۆت گۈل بەرگىسى چىكىلگەن ئايرىم شەكىلگە ئىگە بولىدۇ. دوپپىنىڭ ئۈستى بىلەن تۆت جىيەك سىممىتىرىك كىلىدۇ. نۇسخا قۇرۇلمىسىغا ئاساسەن تەھلىل قىلساق كۆپرەك قوللىنىلىدىغان ئىلماپ تىكىش، تۆشۈك تىشىپ تىكىش ئۇسۇللىرىدا بىر تەرەپتىكى ئۈچ بۇلۇڭلۇق قۇرۇلمىغا بىر ياكى ئىككى نۇسخا چۈشۈرۈشكە بولىدۇ. بىر ئۈچ بۇلۇڭلۇق قۇرۇلما بىر گورۇپپا قىلىنىدۇ. نۇسخىسى ئىنچىكە ۋە زىچ تىكىلىدۇ. تەگلىك تۇتۇقراق رەخىتلەردىن تاللاپ ئىشلىتىلىدىغان بولۇپ تەگلىك رەڭ بىلەن گۈل رەڭىگى روشەن پەرقلىنىدىغان قىلىنىپ كۆزنى قاماشتۇرىدۇ. بۇ خىل دوپپىلارنىڭ ھەممە يىرىگە گۈل چىكىلگىنى چىمەن دوپپا دەپ ئاتىلىدۇ.

بادام دوپپا - گۈل نۇسخىسى بولسا بادامنى ئاساسىي شەكىل قىلغان بولىدۇ. يەنە قوشۇمچە گۈل چۈشۈرىلىدۇ. بۇ خىل دوپپىنى كۆپرەك ئەرلەر كىيىدۇ. ئادەتتە قارا تەگلىك ئاق گۈللۈك نۇسخىسىدا بولۇپ، شەكلى كۆپ، ئۆزگىرىشچان. بۇ خىل دوپپىلارنىڭ رەڭگى ئاددىي ھەم قەدىمىي ئۇسلۇپتا، كۆركەم، نەپىس، چىرايلىق. بۇنى ئادەتتە بادام دوپپا دەپ ئاتايدۇ. بۇخىل دوپپا شىنجاڭدىلا ئەمەس ئوتتۇرا ئاسىياغىمۇ كەڭ تارقالغان.

ئالدىنقى بىرنەچچە ھەپتە بۇرۇن تاتلىق تورى ئىزدەش سېستىمىسى سىناق نۇسقىسى تورداشلار بىلەن يۈزكۆرۈشكەن ئىدى. بۈگۈن بىكىتىمىز تاتلىق تورى ئىزدەش سېستىمىسىنىڭ ئەسلىي كودى كەڭ تورداشلارنىڭ پايدىلنىشى ئۈچۈن رەسمىي تارقىتىلدى. بىكەتنىڭ ئاساسلىق ئىقتىدارى بولسا ئۇيغۇرچە توربىكەت ئىزدەش ۋە رەسىم ئىزدەش قاتارلىقلار بولۇپ، تاتلىق ئىزدەش ماتورىغا دۇنيادىكى ئەڭ چوڭ ئىزدەش ماتورى بولغان Google ئىزدەش ماتورى ئارقىلىق ئىزدەش ئىقتىدارى قوشۇلغان.

سەمىمىي ئەسكەرتىش :

ئىشلەتكۈچىلەرنىڭ بىكەت ئاستىدىكى Powered by Tatlik.net & Google نى ئېلىۋەتمەسلىكىنى سەمىمىي ئەسكەرتىمىز. ئەمگىكىمىزگە ھۆرمەت قىلىڭ

چۈشۈرۈش مەنزىلى :

ئېسىمدە قېلىشىچە Windows95 دەۋرىدە ئىكران قوغداش سېستىمىسى ناھايىتى ئالقىشقا ئېرىشكەن ئىدى. ھازىرقى دەۋىردە نۇرغۇنلىغان تورداشلار ئۈستەل يۈزى تەگلىك رەسىمىگە بەكراق ئەھمىيەت بېرىدۇ. بىكىتىمىز تەۋسىيە قىلغان بۇ ئېكران قوغداش سېتىمىسىنىڭ ئىسمى Blue Wave Screensaver بولۇپ، ناھايىتى تىنىچ ھەم پاكىز، چوقۇم بىر قاراشتىلا ياقتۇرۇپ قالىسىز! قېنى ياقتۇرغان تورداشلار چۈشۈرۈپ ئىشلىتىپ كۆرۈڭلار!

چۈشۈرۈش مەنزىلى :

[ چۈشۈرۈش مەنزىلى : بۇ يەرنى كۈچۈپ بېسىپ چۈشۈرۈڭ ]